Rreth këtij kursi
Rëndësia e dhikrit të mëngjesit dhe mbrëmjes
Dhikri i mëngjesit dhe i mbrëmjes është prej adhurimeve të rëndësishme që e ka vepruar profeti Muhamed ﷺ. Besimtarër përveç faljes së namazeve duhet të shtojë dhe përmendjen e Allahut, (dhikri i mëngjesit dhe i mbrëmjes) që ta nxjerrin veten nga përshkrimi si gafil (i pavëmendësh), por të rregjistrohen prej atyre që e adhurojnë shumë Allahun.
Dhikri i mëngjesit dhe i mbrëmjes ka vlerë të madhe në jetën e besimtarit dhe e ka humbur këtë mirësi ai që nuk kujdeset për të.
Thotë Allahu ﷻ: "Përmende Zotin tënd me vete, i përulur dhe me frikë - jo me zë të lartë, në mëngjes dhe mbrëmje, dhe mos u bëj nga ata që nuk i kushtojnë vëmendje!" El-Araf 205.
Ibnul Kajimi (Allahu e mëshiroftë!) ka thënë: Lutjet e mëngjesit dhe mbrëmjes janë si një këmishë e hekurt, e cila sa më e fortë dhe e ngjeshur që të jetë, aq më i mbrojtur është ai që e mban veshur, duke mos u lënduar aspak. Madje mund të arrijë forca e asaj veshjeje mbrojtëse që ta kthejë mbrapsht shigjetën tek ai që e ka hedhur.
Ka thënë gjithashtu Ibnul Kajimi (Allahu e mëshiroftë!): Ai që e permend shumë Allahun është i sigurt nga nifaku, sepse munafikat pak e përmendin Allahun.
Ibën Tejmije (Allahu e mëshiroftë!) ka thënë se: Nevoja e zemrës për dhikrin është sikurse nevoja e peshkut për ujë, prandaj në çfarë gjendje mund të jetë peshku kur del nga uji?!...€
Dhikri e mbron njeriun nga çdo e keqe që mund ti ndodhi gjatë ditës dhe natës. Dhikri gjithashtu i jep njeriut zemër vigjilente dhe e pastron nga gjynahet.
